Список форумов

Esperanto новости

Форум об эсперанто и языках вообще

Избранное:
En Esperanto: UEA :: REU :: Vikipedio :: Libera Folio
По-русски: Esperanto новости :: Что такое эсперанто? :: Курс эсперанто по эл. почте


Сейчас Пт ноя 16, 2018 5:58 am

Часовой пояс: UTC + 3 часа




Начать новую тему Ответить на тему  [ 1 сообщение ] 
Автор Сообщение
 Заголовок сообщения: La aventuro esti membro de UEA en Sovetunio
СообщениеДобавлено: Вт май 20, 2008 20:13 pm 
Не в сети
Akademiano
Akademiano
Аватара пользователя

Зарегистрирован: Сб мар 29, 2003 20:47 pm
Сообщения: 1858
Откуда: Usono
La aventuro esti membro de UEA en Sovetunio

En la jubilea jaro eble decas dediĉi la plej grandan atenton al la dekmiloj da homoj, kiuj tra tuta jarcento helpis vivteni la asocion per sia membreco. Bedaŭrinde pri tio mankas konkretaj raportoj, verŝajne ĉar tro da membroj modeste ne volis elstarigi sin mem kaj sian kontribuon al UEA. Tial ni decidis rekte doni la parolon al du el ili. Ambaŭ estas rusoj (el kiuj unu vivas nun en Usono). Ni memoru, ke antaŭ la naskiĝo de UEA rusianoj plej multe nombris en la Esperanto-movado. Paradokse tamen, ĝuste por ili dum jardekoj estis barita la rekta vojo al la tutmonda asocio. Ili ne rajtis membriĝi, nek UEA havis ĝis 1989 landan asocion en la teritorio de la iama Sovetunio. Boris Kolker kaj Mikaelo Bronŝtejn prezentas siajn rememorojn. (Ulrich Lins)

Kiam mi tradukis divenante

En la iama Sovetunio, la plej multaj esperantistoj rilatis al UEA respekte kaj strebis membriĝi en ĝi. Iuj politikemaj maljunaj/malnovaj esperantistoj opiniis ĝin kontraŭsovetia organizaĵo. Unu el ili estis S.N. Podkaminer. Li estis bona homo kaj bona esperantisto, sed estis por mi surprizo, ke li fariĝis honora membro de UEA.

La ligoj de sovetiaj esperantistoj (ankaŭ junaj) kun UEA estis pli fortaj, ol nuntempuloj eble imagas. Komence niajn kotizojn pagis eksterlandaj bonvoluloj. Ekzemple, mi estas membro de UEA seninterrompe ekde la jaro 1959. En la unuaj jaroj mian kotizon pagis Ernest Permanne el Francio. Poste UEA donis kvoton por sovetianoj el Fondaĵo Canuto. Tiu kvoto ankoraŭ ekzistas, kvankam multaj rusianoj nun mem pagas sian kotizon.

En 1963 sovetianoj unuafoje partoprenis en UK, en tiu en Sofio. Mi bonŝancis esti inter la 35 feliĉuloj (kaj estis preskaŭ la plej juna). Tiam mi ekhavis multajn internaciajn kontaktojn, ekzemple, mi konatiĝis tie kun Humphrey Tonkin, kiu igis min aĉeti la provnumeron de Kontakto, kaj kun Carlo Minnaja, tiam gvidanto de Studenta Tutmonda Esperantista Ligo (STELO).

La Unio de Sovetiaj Amikec-Societoj (SSOD) dum pluraj jaroj sendis oficialan tri-personan delegacion al UK, por kiu pagis la ŝtato. Mi bonŝancis trafi UK-on sekvafoje nur en 1978 en Varna. Kompreneble, miajn vojaĝojn mi pagis mem kaj estis tute feliĉa, ke mi havas eblon partopreni la kongresojn.

En la jaroj 1972-74 mi estis komitatano de TEJO, la unua sovetia. Kiam Ivo Lapenna kaj kelkaj aliaj komitatanoj eksiĝis post la Hamburga Kongreso, ekvakis en UEA kvar lokoj de komitatano B. Mi aŭdacis kandidatiĝi kaj estis elektita. Do, mi estis UEA-komitatano en 1975-77. Poste, dum la perestrojko mi estis tri jarojn komitatano C (1988-91).

En 1976 mi fariĝis la unua sovetia ĉefdelegito de UEA kaj ĉiujare distribuis inter sovetiaj esperantistoj la membrecon el Fondaĵo Canuto. Mi eksiĝis el la ĉefdelegiteco en 1985 sub forta premo de SSOD, kiu minacis al mi per grandaj malagrablaĵoj. Pli detale legu pri tio ĉe:
http://ourworld.compuserve.com/homepages/profcon/e_vilje.htm.

En 1978 la Centra Komitato de Komunista Partio de Sovetunio (CK KPSU) faris decidon (sekretan) pri la kreo de Asocio de Sovetiaj Esperantistoj (ASE) – malpli por helpi esperantistojn, ol por kontroli ilin. En Varna okazis oficiala traktado inter SSOD, kiun reprezentis fakestro Rafael Saakov, kaj UEA, kiun reprezentis Tonkin, William Auld kaj Simo Milojević, pri aliĝo de ASE al UEA. En la antaŭvespero mi konsilis al Tonkin kiel paroli, por ke SSOD ekhavu favoran impreson pri UEA. Dum la traktado ĉeestis pluraj sovetianoj; mi servis kiel interpretisto. Saakov parolis per ŝablonaj propagandaj frazoj, tial mi tradukadis samtempe kun lia parolado, divenante la sekvontajn vortojn. Kelkfoje mi finis traduki, antaŭ ol li finis paroli. Auld tiom miris pri mia „lerteco“, ke poste li sendis al mi donace du siajn librojn kun subskribo „Al Boris Kolker kun admiro“. Similaj traktadoj okazis preskaŭ en ĉiu UK dum la dekjara ekzisto de ASE, sed ne rezultis aliĝo.

La 14-an de marto 1979 en la luksa palaco „Domo de Amikeco kun Alilandaj Popoloj“ en Moskvo okazis fonda konferenco de ASE. Estis faritaj tie grandaj promesoj. Mi sendis al UEA kelkvortan informon kaj profesian foton pri la evento; la foto aperis sur la kovrilo de Esperanto. Simo Milojević verkis kaj publikigis koncernan artikolon. Tiu artikolo kolerigis la gvidantaron de SSOD, ĉar estis menciitaj en ĝi la persekutoj de esperantistoj en Sovetunio dum la regado de Stalin. Ĉar mi estis ĉefdelegito de UEA, la SSOD-estroj decidis utiligi tion kaj petis min verki alispecan artikolon. Mi verkis ĝin kun la titolo „La tria ondo“ (la unua ondo: de la Unua Libro ĝis la Oktobra Revolucio; la dua: la 20-aj kaj 30-aj jaroj kun mencio pri la estingiĝo de la movado; la tria: renaskiĝo post 1956) kaj sendis ĝin al SSOD por aprobo. Ili restis malkontentaj, longe cerbumis kaj multloke tranĉis la artikolon. Kiam mi sendis ĝin en modifita stato al UEA, Simo Milojević ne volis publikigi ĝin, ĉar pasis la aktualeco. Sed poste li tamen publikigis ĝin, ĉar mi insistis, ke tio estas mia persona peto.

Anatolij Berjoza , la altrudita respondeca sekretario de ASE, revis, ke ASE aliĝu al UEA. Li esperis tiuokaze fariĝi komitatano de UEA kaj havi eĉ pli da ebloj vojaĝi eksterlanden senpage. Sed ĝenerale li kaj SSOD kaj iliaj mastroj en CK rilatis al UEA negative, ne dezirante, ke la homoj havu kontaktojn kun eksterlando. Foje Berjoza diris al mi, ke la delegita reto de UEA estas spiona servo: „Imagu, se iu demandas vin, kion produktas sekreta milita uzino en via urbo, vi, kiel delegito de UEA, devas respondi al li kaj tiel malkaŝi ŝtatan sekreton.“ Alian fojon li diris al mi, ke Heroldo estas kontraŭsovetia gazeto, ĉar tie aperis pagitaj anoncetoj de samseksemuloj kaj nudistoj (”Ili deziras, ke ni marŝu en stratoj nudaj“). Tia estis la sinteno. Nun oni malfacile povas imagi, en kia Orwell-eska mondo ni vivis.

Boris Kolker
Cleveland, Usono

Revuo Esperanto, 2008, junio, n-ro 6, p. 126-127

==========================

From: revuo esperanto [mailto:revuo.esperanto@gmail.com]
Sent: Tuesday, May 20, 2008 11:54 AM
To: Boris Kolker
Subject: Re: Revuo Esperanto, junio 2008

Kara Boris,

tiu interesega materialo tute meritis la spacon.
Mi mem g'in post la ricevo tralegis kun retenita spiro.
Sincera danko apartenas ankau al vi!

Amike
Stano

2008/5/20 Boris Kolker <b_kolker@yahoo.com>:

Karaj Ulrich kaj Stano!

Grandan dankon pro tio, ke vi dediĉis tiom da spaco al la malmulte konata temo pri rilatoj de UEA kaj sovetiaj esperantistoj.

Amike,
Boris

_________________
Международный язык эсперанто. Полный учебник:
http://lernolibro.ru/slovari/kolker


Вернуться к началу
 Профиль  
Ответить с цитатой  

Показать сообщения за:  Поле сортировки  
Начать новую тему Ответить на тему  [ 1 сообщение ] 

Часовой пояс: UTC + 3 часа


Похожие темы форума | Similaj temoj en la forumo
 Темы   Автор   Ответы   Просмотры   Последнее сообщение 
В этой теме нет новых непрочитанных сообщений. Estas dangxere esti poeto (Brodskij en Esperanto)

Boris Kolker

0

2598

Вт сен 23, 2003 2:03 am

Boris Kolker Перейти к последнему сообщению

 


Кто сейчас на конференции

Сейчас этот форум просматривают: нет зарегистрированных пользователей и гости: 3


Вы не можете начинать темы
Вы не можете отвечать на сообщения
Вы не можете редактировать свои сообщения
Вы не можете удалять свои сообщения
Вы не можете добавлять вложения

Найти:
Перейти:  
News News Plan de site Plan de site SitemapIndex SitemapIndex Flux RSS Flux RSS Liste des flux Liste des flux
Создано на основе phpBB® Forum Software © phpBB Group