Список форумов

Esperanto новости

Форум об эсперанто и языках вообще

Избранное:
En Esperanto: UEA :: REU :: Vikipedio :: Libera Folio
По-русски: Esperanto новости :: Что такое эсперанто? :: Курс эсперанто по эл. почте


Сейчас Вт сен 17, 2019 1:46 am

Часовой пояс: UTC + 3 часа




Начать новую тему Ответить на тему  [ 1 сообщение ] 
Автор Сообщение
 Заголовок сообщения: Esperanto kaj vivo - mia antaŭparolo al la libro
СообщениеДобавлено: Пт июн 04, 2010 19:05 pm 
Не в сети
Akademiano
Akademiano
Аватара пользователя

Зарегистрирован: Сб мар 29, 2003 20:47 pm
Сообщения: 1858
Откуда: Usono
LIBRO PRI MIRAKLOJ EN ESPERANTUJO

En la jaro 1971, dum mia vica vojaĝo en Moskvon, mi venis unuafoje en la araban redakcion de la gazeto “Moskvaj novaĵoj”. En granda ĉambro sidis pluraj personoj. Mi diris al unu el ili: “Mi volas vidi Vladimiron Samodaj”. Li kriis kun araba akĉento en apudan ĉambron: “Vladimir! Al vi venis via frato!” La elirinta Vladimir Samodaj mire demandis: “Kial vi opinias, ke ni estas fratoj?”. “Ĉar vi similas unu la alian, precipe similas viaj rufaj lipharoj” – estis la respondo.

Mi ne certas, ke Vladimir Samodaj kaj mi aspektas simile (tiom pli, ke mi delongege ne plu portas lipharojn). Sed eble ni iom similiĝis, ĉar dum duonjarcento ni amikas, kunagas, kunlaboras, kunbatalas ... esperantumas.

Tiu ĉi libro havas la titolon “Esperanto kaj vivo”. Temas pri la vivo de la aŭtoro, kiun li priskribas senkaŝe. Liaj infaneco kaj juneco estis maldolĉaj, ankaŭ en la matura aĝo al li okazis dolorigaj eventoj, kiujn li nur mencias. Sed li elkreskis kiel homo honesta, optimisma, laborema, inventema, helpema kaj iom infanece naiva. Granda parto de lia vivo estas ligita kun lia profesio – araba tradukisto. Tre interesaj estas liaj personaj impresoj en la libro, ligitaj kun arabaj landoj, en kiuj li laboris kaj vojaĝis.

En aprilo de la 1958-a jaro la vivo de Vladimir Samodaj ligiĝis al Esperanto kaj restas firme ligita al ĝi ĝis nun; fakte, Esperanto fariĝis lia pasio kaj tre grava parto de lia vivo. Aliflanke, la vivo de Esperanto en Sovet-Unio kaj disfloro de ĝiaj mirakloj estas firme ligitaj al Vladimir Samodaj. Estas bonŝanco, ke tiutempe en Odeso vivis kaj agis la elstaraj esperantistoj Aleksej Verŝinin, Sergej Rublov, Nikolaj Blaĵkov, kiujn li ame priskribas en sia libro. Ni ekscias detalojn ankaŭ pri aliaj eminentaj sovetiaj esperantistoj – Jevgenij Bokarjov, Konstantin Gusev.

Dum du jardekoj Esperanto estis malpermesita en Sovet-Unio. Gvidantoj kaj ideologoj de la ŝtato enkapigadis kaj disvastigadis plej negativajn elpensaĵojn pri ĝi: de “primitiva ĵargono” ĝis “lingvo de spionoj”. Multaj esperantistoj estis arestitaj, malliberigitaj, mortpafitaj kiel “malamikoj de popoloj”, “trockiistoj”, “spionoj”. En la post-Stalina epoko tiuj esperantistoj, kiuj restis vivantaj, estis liberigitaj kaj rehabilititaj kiel senkulpaj. Sed la cenzura malpermeso skribi pozitive pri Esperanto en la gazetaro plu validis por multaj jaroj. Ankaŭ restis suspekta la rilato al Esperanto kaj esperantistoj, plifortigata “de supre”.

Por komprenigi la kondiĉojn, en kiuj ekagis esperantistoj, necesas mencii la feran kurtenon, totalan kontrolon de la loĝantaro flanke de la sekurecaj kaj partiaj organoj, mankon de Esperanto-lernolibroj kaj altrudon de kontraŭesperantistoj por gvidi oficialajn Esperanto-organizaĵojn.

En tiuj malfavoraj kondiĉoj ekfloris originala amasa junulara Esperanto-movado, kreiĝis multaj Esperanto-kluboj kaj poste oficiala Esperanto-asocio (eĉ asocioj!), regule okazis Esperanto-tendaroj kaj lingvaj kursoj, eldoniĝis libroj kaj periodaĵoj en Esperanto, aperis lecionoj de Esperanto en gazetoj; finfine kaj nekredeble, sovetiaj esperantistoj ekpartoprenis en Universalaj Kongresoj.

Senpasie Vladimir Samodaj rakontas pri tiuj eventoj kaj pri sia partopreno el ili. Kaj pri Esperanto-teatro, kiun li organizis. Kaj pri la gazeto “Moskvaj novaĵoj”, kie jam ĉio pretis por aperigo de ĝia esperantlingva versio (kio, ho ve, ne okazis). Eĉ mi, kiu bone konas la eventojn, tralegis la libron kun streĉa intereso, precipe la sekretajn dokumentojn pri Esperanto, prenitajn el ŝtataj arkivoj.

Okaze de la 75-jariĝo de Vladimir Samodaj, honora membro de Universala Esperanto-Asocio, mi deziras al li bonan sanon, pluan energion kaj multajn legantojn de tiu ĉi libro.

Boris Kolker

=================================================

Vladimir Samodaj

Esperanto kaj Vivo
Pentristino Anastasia Bashlikova
Respondeca redaktoro Aleksandr Shevchenko ISBN 978-5-7161-0212-5 248 paĝoj. Ilustrita.

Pli detale:
http://impeto.trovu.com/diversa/vivo

_________________
Международный язык эсперанто. Полный учебник:
http://lernolibro.ru/slovari/kolker


Вернуться к началу
 Профиль  
Ответить с цитатой  

Показать сообщения за:  Поле сортировки  
Начать новую тему Ответить на тему  [ 1 сообщение ] 

Часовой пояс: UTC + 3 часа


Похожие темы форума | Similaj temoj en la forumo
 Темы   Автор   Ответы   Просмотры   Последнее сообщение 
В этой теме нет новых непрочитанных сообщений. Esperanto en Dua Vivo

Valerij

2

2577

Сб июн 11, 2011 0:44 am

Valerij Перейти к последнему сообщению

В этой теме нет новых непрочитанных сообщений. Nova libro pri Samarkando

Valentin_Melnikov

0

1606

Пн окт 20, 2014 19:02 pm

Valentin_Melnikov Перейти к последнему сообщению

В этой теме нет новых непрочитанных сообщений. Nova libro de A. Melnikov

NikSt

1

3180

Пт янв 27, 2006 18:27 pm

Boris Kolker Перейти к последнему сообщению

В этой теме нет новых непрочитанных сообщений. Mia unua esperantlingva libro (en Cxehxio)

lovermann

1

3429

Ср окт 08, 2003 5:48 am

Boris Kolker Перейти к последнему сообщению

 


Кто сейчас на конференции

Сейчас этот форум просматривают: нет зарегистрированных пользователей и гости: 2


Вы не можете начинать темы
Вы не можете отвечать на сообщения
Вы не можете редактировать свои сообщения
Вы не можете удалять свои сообщения
Вы не можете добавлять вложения

Найти:
Перейти:  
cron
News News Plan de site Plan de site SitemapIndex SitemapIndex Flux RSS Flux RSS Liste des flux Liste des flux
Создано на основе phpBB® Forum Software © phpBB Group