Dum la pasinta en Volgograda provinco OkSEJT okazis kelkaj diskutoj pri la estonto de REJM, la landa junulara esperantista organizo. Kristaliĝis tie kelkaj novaj ideoj kaj agaddirektoj, aperis nova grupo de aktivuloj, kiuj pretas repreni al si la laboron de REJM.

Speciale por ebligi per-retan diskutadon al tiuj homoj estas kreata tiu ĉi subforumo. Povas okazi tiel, ke la novaj aktivuloj preferos alian manieron kunordigi sian komunan laboron (per telefono? retpoŝte?), tiam tiu ĉi loko simple malaperus same mallaŭte, kiel ĝi hodiaŭ aperis. Tamen certe mi, kiel iama REJM-aktivulo, deziras pli belan sorton al tiu ĉi iniciato. Ĉi tie la diskutoj de REJM povas esti pli travideblaj ktp.

Bondezire,
Sl. Ivanov

_________________
Esperu ĉiam!

Модельное произношение эсперанто »»

Dankon, Slava!
mi penos fari tiel junuloj pridiskutu ĉi tie apudREJmaj temoj. Kelkaj jam ekzistas.

vitalik

Mi venis ĉi tien ne kritiki, sed iom proponi.
Do, mi proponas, ke sorto de REJM estu pridiskutata nur en Esperanto. Laŭ mi tio estas bazo por REJM ne estu simple RJM.

Kun bondeziroj,
Dima Ŝevĉenko

Salutegon!
Dankon al Slavik, ke li donis lokon en sia forumo por pridiskuti REJMaĵojn.
Respondante al NiHao:
Mi tute konsentas kun vi pri lingva disciplino en diskuto pri REJM, sed tio estis unu el la plej gravaj demandoj dum OkSEJTaj kunvenoj de aktivuloj. Kaj laŭ mia opinio, oni diskutu ankaŭ ruse, ĉar la plejparto da "iniciata grupo" preska? (vi certe ridegos) ne parolas Eon. Do, kion fari, necesas doni eblecon pridiskuti aferojn ankaŭ al tiuj homoj...

Amike,
Osincev Aleksandro
P.S. Dima ne staru rande, anka? diskutu.

Saluton, mi ĝojas renkonti vin ĉi tie!
Saŝ, vidu: por mi estonteco de Esperanto en nia lando ne estas malinteresa. Mi multe laboras por ĝi. Sed Esperanto ne estas tia malfacila lingvo por ke diskutoj/kunsidoj de REJM(!) estu en la rusa. Krom tio eblas noti, ke "OKSEJTA grupo" ne konas esperanto-kulturon ks. Laŭ mi, kono de Esperanto, almenaŭ "A-nivele" estas minimuma baza kondiĉo por aktivulo de REJM.
Ĉu eble mi ne pravas? Eble REJM devas esti io simila al "rondo de junaj amikoj de Esperanto"?

Vi tute pravas kaj mi tute konsentas kun vi. Kiel vi memoras, mi estis dum kunsidoj por lingva disciplino en forumoj kaj komunikado inter REJM-aktivuloj.
Sed,tamen...
Antaŭ tiu OkSEJT REJM preskaŭ ne funkciis kaj en ĝi estis homoj "A-nivelaj", kiuj preskaŭ nenion faris. Nun aperis homoj, kiuj volas ion fari por Eo kaj movado. Do, ni pelu ilin (nur pro tio, ke oni ankoraŭ ne parolas la lingvon)! aŭ kiel? Aŭ ili eksciu pri Eo, pri movado lernante Eon kaj aktivante por movado. Poste, verŝajne jam post du monatoj, ili interparolos Esperante.
Interalie, mi ne estas "A-nivela". Sed tamen mi provas paroli Eon kaj instrui ĝin (kaj mi ne bezonas tiun atestilon por paroli aŭ instrui!)

Saluton, karaj!

pri nova iniciatema grupo de junuloj. Laŭ mi prefere junuloj, kiuj dume ne parolas bone esperanton, sed emas ion por ĝi fari, ol grupo de bonparolantoj kaj nenionfarantoj.

Itrealie: hodiaŭ okazis kunveno de Reganta, Kurt, Nataŝa+Lena (Ivanovo), Sorĉa, Besĉastnov, Ljuba Haritonova kaj mi. Ni pridiskutis rejmajn aferojn kaj iomete ankaŭ OkSEJTon. Morgaŭ mi detale rakontos al vi pri ĉio ĉi.

Kaj krome: mi korespondas kun ili ĉiuj esperante kaj ili ĉiuj minimume komprenas kaj strebas foje respondi samlingve. Mi kredas, ke post iom da tempo ili ekparolos.

amike al ĉuj
vitalik

Fakte neniu, laŭ mia scio, abolis la iam akceptitan postulon, ke ĉiu nova REJMano trapasu ekzamenon pri lingvoposedo. Legu en la malnova paĝaro de la organizo: «Por iĝi vera REJMano vi devas plej unue trapasi REJM-ekzamenon aŭ ricevi ateston de du REJManoj pri via kapablo paroli Esperante. REJM-ekzameno tute ne estas malfacila. Se vi povas legi ĉi-tekston, vi tutcerte sukcesos...»

Nun, kiam REJM iĝis sekcio de REU, tiu postulo ne plu validas (ĉar fakte ŝanĝiĝis la organizo), tamen estus tre bone, se oni estimus la bonan tradicion.

Certe estas tolereble, se iu parolos en malbona Esperanto aŭ miksos sian Esperanton kun rusaĵoj; kio estas absolute maltolereble -- kreo de plene ruslingva etoso, poste de tiu kutimo oni apenaŭ deiros. Dum la retaj interparoloj uzi Esperanton estas tre facile: oni prenu la vortaron kaj traduku siajn ideojn el la rusa ĝis kiam oni ekpensos Esperante.


Do, bonege! Tiam la diskutoj okazu en Esperanto, ĉiuj ĝin komprenas (kaj eblas uzi vortaron); se iu uzetos de temp' al tempo la rusan, ne estas granda problemo, sed la ĉefa lingvo estu tiu, kiu estas en la nomo de la organizo. Sen tia bonega praktiko oni neniam finlernos la lingvon.

_________________
Esperu ĉiam!

Модельное произношение эсперанто »»

Laŭ mi, "IG" prenis malĝustan bazon por ilia movado. REJM historie havis aliajn tradiciojn ks. Mia opinio: se REJM ekzistas/is/os, en ĝi oni parolu nur en Esperanto. Se ne, eblas fondi aliajn grupojn/organizojn ktp. Nuna situacio tiras rusian Esperanto-movadon al abismo. Nur post OkSEJT esperantistoj-junuloj, kiuj kvazaŭ persekutis la samajn ideojn, disiris al la diversaj grupetoj, komenciĝis kontraŭstaro. Kaj ĉiu tiras propran littukon. Mi ĝojos subteni kaj kunhelpi ion, sed ne nunan "IG". Mi povas prognozi, se la situacio ne ŝanĝiĝos, ke tiu "novaperita REJM" ne estos aprobita de multaj esperantistoj, inkluzive de junaj. Ne aprobita - signifas, ke ne agnoskita. Tio povas kaŭzi eĉ pli globalan disfalon, kiam naskiĝos novaj alternativaj movadoj ks. Tio estas la vivo.

P.S.: Mi ankaŭ havas neniujn atestilojn pri la lingvo. Sed temas ne pri ili...

Ĉu vi instigas onin al fondo de alia organizo?


Ĉu vere. Mi ne rimarkis tiaĵojn. Estas multe pli da littukoj, ol da membroj, sufiĉas por ĉiuj.


Hej, la homoj ankoraŭ nenion faris, kaj vi jam akuzis ilin pri la globala disfalo kaj la fino de ĉi-mondo!

_________________
Esperu ĉiam!

Модельное произношение эсперанто »»

Dima, mi ne komprenas pri kiu "tirado de littuko" temas. REJM dum lasta jaro faris nenion, ĉu vi konsentas?
1. ne partoprenis organizadon de EoLA
2. ne partoprenis organizadon de OkSEJT (ĝin organizis loka Volgograda klubo - dankegon por ili!)
3. ne sendis materialojn por REJM-info
4. ne elektis la reprezentanton en TEJO

nun, aperis kelkaj junuloj el Moskvo, Jekaterinburg, Volgograd, Ivanovo, Tjumenj kiuj pretas kaj emas ŝanĝi la situacion. Pri kiu "aprobo" temas?! Ĉu vi preferas nenion kompare kun tiu IG, kelkaj anoj de kiu dume malbone parolas la lingvon?

Do, tiam, eble ni entombigu REJM? Tio estos la solvo. Vi povas krei novan bonan organizon kaj agi kiel vi volas, paroli en ajna lingvo ks. Por kio estas bezonata REJM?
Vidu, ekzistas multaj kontraŭuloj de viaj ideoj. Antaŭ kelkaj jaroj, kiam vi agis en REJM, kontraŭstaro tia ne estis. Kion fari kun ili? Eble depreni de ili voĉrajtojn? Ili ne bezonas OKSEJT-jn en moskva regiono kun angla lingvo kaj kursoj pri magio. STRIGO-j sufiĉis....
Kion ni devas pensi?

P.S.: Se vi ekhavos bonan programon, reprezentantan opiniojn ne nur de MASI, multaj homoj venos al vi kaj helpos vin.

Kun bondeziroj,
Dima

вы не поверите, господа:
- я первый раз пишу в форум
- я пишу на русском в эсперанто-форум

дима, виталик, славик - всем большой привет

надеюсь, что я все сделаю правильно, и вы сможете увидеть мое сообщение, а поэтому потороплюсь сразу подлить масла в огонь (уже занимаюсь этим, стуча по клавиатуре в русской раскладке)... чего же боле?

абсолютно согласен, что не нужно жадничать по типу "умри, но не доставайся никому" - название РЕЙМ ценно само по себе, давайте поделимся им, может быть будет на пользу общему делу (до тех пор, пока оно общее - а в этом, кажется, сомнений пока нет).

ой, есть еще славная тема, чтобы порадоваться общению: одна из наших неглобальных идей была в том, чтобы разослать спам (за 30 долларов из тощего реймовского кошелька) с сообщением "что такое эсперанто и как его выучить" - со ссылкой на один из интернет-курсов эсперанто (и посмотреть на изменение посещаемости ресурса). сейчас идет предварительный сбор спам-текстов, естественно на русском. я предлагаю сделать текст на основе выжимки из статей википедии - чур идею не воровать, придумывайте свои.

1. Зачем платить деньги за спам?
2. А не сделает ли это антирекламу эсперанто?
Конечно, дело ваше...

Скорее всего этого просто никто не узнает, — много ли человек читает папку со спамом? Я например, никогда.

1% прочитавших из 10 млн. писем хватит.

Чтобы эсперанто считали разновидностью «центра американского-английского», спам которого довел несчастных сетян до того, что когда убили начальника этого центра, все (!) не скрывали своей радости?

Да, разумеется, эта идея бракуется. sen, почитай вот этот текст про услуги некоей «маректинговой группы», чтобы понять, почему таких методов продвижения нам не надо.

Мне больше понравилась идея Виталика про прямые письма в молодёжные организации с предложением участия в нашем мероприятии. По России очень много праздных молодёжных организаций — например, в Чебоксарах я был в парочке, когда на Lingva Festivalo мы ездили — им порой направить группу местной молодёжи на какое-то мероприятие полезно для своей отчётности или для создания видимости активности. А кто-то, может, и искренне заинтересуется. Кроме того наша целевая группа estas facile atingebla на сайтах lernu.net, ikso.net/esperanto-kurso и на этом вот форуме. Есть ещё активисты в городах, которые могут развесить объявления в вузах (надо заранее подготовить типовое объявление, чтобы это было удобно и легко делать). И так далее.

_________________
Esperu ĉiam!

Модельное произношение эсперанто »»

Cetere, ĉi tie ekzistas la regulo, ke oni ne rajtas krokodili en la temo, komencita en E-omortigu vin kontraŭ muro!

_________________
Malfacila kaj tre trista estas vivo programista.

Pri spamado. Ankaŭ al mi la ideo ne tre plaĉas. La ĉefa kialo de ĉi rimedo estas - trovi malmultekostan vojon informi pli da homoj pri tio kio estas Esperanto ĝenerale.

Sed, ĉu tio helpos? Februare en la televidkanalo ORT oni montris la serion Kozaroza. Mi rigardis la popularecon de la filmo, ĝi estis 7.5 % (Bonaj ciferoj, cetere).
Do, tie ŝajne temis ankaŭ pri Esperanto. Se konsideri la loĝantaron de Rusio kiel 142 milionoj da homoj tio signifas, ke ĉirkaŭ 10 milionoj havis la ŝancojn spekti la filmon. Kaj ni konsideru, ke ĉirkaŭ 1 miliono, spektinte ĉi-filmon, komprenis kio estas esperanto. Kaj? Ĉu tio "plimultigis niajn vicojn"?

ni trovu aliajn vojojn

amike
vitalik

Deflankiĝante al la temo de "Kazaroza"... Jes, ni ne tuj rimarkas ian leviĝon de intereso al Esperanto, sed ĉu vere iu serioze esploris la aferon antaŭ ekplendo? Jes, miliono komprenis, ke Esperanto estas viva lingvo kaj eble duonmiliono konjektis, ke tiu lingvo plu ie ekzistas. Eble kvaronmiliono pensetis lerni la lingvon — sed kiel fari tion? En manpleno da urboj esperantistaj organizoj estas facile videblaj (kiel en Ĉeboksaro), en plejmulto de la urboj trovi esperantistojn tre malfacilas aŭ simple neeblas pro foresto de ia organizo. Plej facile Esperanto troveblas en Interreto, sed Interreto iĝis ĉiutagaĵo nur en Moskvo. Por, ekz., Kaluga regiono mi legis pritakson, ke konstanta Interret-uzantaro tie estas ĉ. 20 mil personoj — por la granda provinco kun pli ol 300 mil loĝantoj nur en Kaluga. Do plejmulto de homoj simple ne havis eblecon iĝi esperantistoj post "Kazaroza". Multaj el ili ankoraŭ iam iĝos esperantistoj, kiam havos eblecon por tio, la sperto de la fama publikigaĵo en porinfana revuo "Tramvaj" subtenas tiun teorion: multaj ekinteresiĝis tiam, sed eklernis iam poste (kiel en mia kazo, post paso de ĉ. 5 jaroj).

Do, ne ĉiam, kiam esperantistoj plendaĉas pri malatento de la socio, ili pravas.

_________________
Esperu ĉiam!

Модельное произношение эсперанто »»

Gesinjoroj (tamen? ĉu "ge")!
Ĉi temo estas pri junulara movado ĝenerale, kaj pri REJM konkrete. La serialo ne estas rekte ligita al la temo. Ne delogiĝu? karaj.

Do, pri spamsendoj - la ideo estas tute ne nova. Iam, en naŭdekaj jaroj, oni multe disputis pri ĝi kaj provis, sed rezulto estis mizera. Spamsendoj forpuŝos homojn kaj malpurigos nian vizaĝon. NEFARU tion.

Pri lingvouzo: se vi potencas skribi en Eo, nepre uzu tion. Se vi komprenas Eon, nepre provu respondi en la lingvo. Se vi povas esprimi siajn ideojn nur ruse certe faru tion, sed provu uzi Eon.
Al pli spertaj samideanoj: certe ni devas ĉitie uzi Eon, sed ne tro premu, ĉar bona ideo povas esti esprimata ankaŭ per aliaj lingvoj.

_________________
Кто хочет, но не делает - тот плодит чуму.