Список форумов

Esperanto новости

Форум об эсперанто и языках вообще

Избранное:
En Esperanto: UEA :: REU :: Vikipedio :: Libera Folio
По-русски: Esperanto новости :: Что такое эсперанто? :: Курс эсперанто по эл. почте


Сейчас Сб апр 20, 2019 13:58 pm

Часовой пояс: UTC + 3 часа




Начать новую тему Ответить на тему  [ Сообщений: 3 ] 
Автор Сообщение
 Заголовок сообщения: Toreadoro el stelaro "Taŭro"
СообщениеДобавлено: Ср апр 05, 2006 9:00 am 
Не в сети
Fervora Forumano
Fervora Forumano
Аватара пользователя

Зарегистрирован: Вт май 27, 2003 7:55 am
Сообщения: 1031
Откуда: Rusio, S-Peterburg
Toreadoro el stelaro "Taŭro"
fantasia miniaturo


Mi estas toreadoro. Mi staras sur areno. Ombro de porpublika markezo kuŝas sur mi. Mi aŭdas kiel brue spiras laca bovo. Jen ĝi trote trakuras arenon, kaj suno ĉirkaŭkaptas ĝian nigran, brilan pro ŝvito korpon, kaj flagras coloraj rubandoj el silko sur banderiljoj, enpikitaj en flankojn kaj ĝibon de la bovo. La bovo malrapide trotas ĉe baro, ĝi ne vidas min, sed jam eksentis mian odoron. Ĝi, kiu forpelis la vantan svarmon de, pikantaj kiel vespoj, pikadoroj kaj banderileroj, kaj kiu reĝas nun sur la areno, enspiris odoron de nova malamiko. La bovo ne hastas, ĝia spiro iĝas pli ritma, ĝi estas certa je si, ĝi pretas por batalo. Spado ankoraŭ kaŝiĝas en faldoj de skarlata muleto. Mi malrapidas. Tio ne estas timo, la estas, pli ĝuste, antaŭĝuo. Kiel frandemulo malrapidas antaŭ sakramento de manĝado, tiel mi malrapidas antaŭ bovbatalo.


Publiko atendas. Ĝi jam estas incitita per coloro kaj odoro de sango. Malpacienco de ĝi grandiĝas, mallaŭta bruo ruliĝas tra vicoj ekde unu flanko al aliiu. Mi smiletas nur per lipanguloj kaj transpaŝas limon inter lumo kaj ombro. Miloj da briloj ekflamas sur ora ornamo de kamizolo, lumo kiel miela ondo desurfluas de mi, en mi nun mankas mallumo, nur en faldoj de la muleto kaŝiĝas ombro. Jen mi tuta antaŭ vi, la areno ekstaze kriegas. Mi desurŝiras ĉapelon, malprofunda riverenco, turno, mia rigardo glitas sur vicoj de spektantoj. Mi vidas iliajn vizaĝojn: streĉajn, soifajn, sombrajn, admirajn - diversajn, nur indiferentaj mankas inter ili. Ili ĉiuj atendas alvenon de morto. Ĝi estas apude, apud ĉiu, ĉiutempe apude, sed nur ĉi tie oni povas senti ĝin tiel plene kiel nenie. La bovo estas kondamnita por buĉado, animoj de la publiko soifas eklavi sin en ĝia ofera sango, por denove triumfi super morto. Ĉiu el spektantoj estas jam ĉi tie, sur areno, ne korpe… Ĉu korpo? Ĝi sendanĝere atendas sur benko, sed ĉiu animo staras apud mi, sur flamanta, disŝirita per hufoj, sablo. Mi komencas batalon.


Per flua movo mi faras unuan svingon de la muleto. La bovo ekstatuis. Ĝi ekturnis sian pezan kapon al mi. Dua svingo - mi defias la bovon al duelo. La bovo pli malalte klinas sian kapon, ŝaŭmo gutas de ĝia muzelo kaj ŝuŝas sur sablo. Jen eta tremo kuras ĝian haŭton, ĝia spirado iĝas pli profunda - la bovo akceptis la inviton. La publiko ne ekzistas plu. En la mondo restis nur ni ambaŭ: mi kaj la bovo. Ni estas antaŭdestinitaj unu por aliiu. Mi vivas nur por ĝi, ĝi vivas nur por mi. La bovo streĉiĝas kaj komencas unuan kurakcelon. Mi fermas okulojn kaj aŭskultas: ĝiaj hufoj ritme batas kontraŭ arda areno. Ĉiu ĝia paŝo displaŭdigas fanditan oron. Bovo - triumfanto, bovo - mastro de areno, bovo - reĝo, bovo - Baalo. "…Ho, Baalo, kies hufoj paŝas sur tero, kaj kornoj tuŝas nubojn. Ĉiu cia paŝo ŝancelas montojn, ĉiu cia spiro naskas venton. Cia semo kaŝas vivon. Cia sango kaŝas senmorton…"


Mi deflankiĝas. La bovo sagas preter mi. Adstringa moska odoro batas en nazon. Kiu diris ke toreadoro estas "macho"? Toreador estas "maja"! Ĉiu el liaj artifikoj estas ruzaĵoj de virino. Li same logas, elglitas kaj denove logas. Eterna danco de du seksoj. Danco de bovo kaj toreadoro. Ni kuniras kaj disiras en la kontradanco. Denun mi estas Karmen, ĝi - Jose. Mia muleto estas ventumilo, kaj en la ventumilo estas kaŝita ponardo. Bovo estas mia amato, sed nia uniĝo donos al li morton. Mi ĉesas esti nur viro, en mi vekiĝas antikva androgino, nun mi prezentas ambaŭ seksojn - tutan homaron, mi kunfandiĝas kun homaro kaj ĝi solviĝas en mi. Mi estas ĉiuhomo kaj kontraŭ mi estas eterna besto.


La bovo ĉirkaŭas sur la areno. Ĝi pretiĝas por nova atako. Mi estas ekstreme atenta, fino proksimiĝas. La muleto jam estas ĵetita foren kaj aperas blindiganta per sia nudo spado. Glacia klingo elplonĝis el ombro kaj distranĉis tagon kiel ŝprucanta per fajretoj radio. Mi enaŭskultas en spiron de la bovo, en ĝiajn paŝojn, en batojn de ĝia koro. Mi penas antaŭdiveni ĝiajn movojn, pli profunde eniĝi en ĝiajn intencojn, koncepti la bovon, iĝi kiel la bovo, iĝi bovo. Mi jam vidas la arenon per ĝia okuloj, mi jam scias ĉiun ĝian sekvan paŝon kaj turnon de ĝia kapo. Mi vidas min. Lasta dancpaŝo. Ni impetas renkonten. Turno sur dekstra piedo kaj klingo komencas penetri en densan karnon ĉe liva skapolo.


Mi kuras tra la areno. La publiko furiozas. Mi estas venkinto! Jen mi haltas, turnas sin - sur senbrila sablo kuŝas korpo de mia malamiko - kundancanto. Mi aliras al ĝi kaj malforte tuŝas ĝin. Sala odoro de sango tiklas miajn naztruojn. Mi sentas lancintas doloron live, sed mia korno estis pli rapida ol mia spado. Mi deiras for de mia estinta korpo. Mi staras sur areno. Mi estas bovo.

_________________
Ne veku beston en mi! (hamstreto)


Последний раз редактировалось hamstro Ср апр 05, 2006 10:33 am, всего редактировалось 1 раз.

Вернуться к началу
 Профиль  
Ответить с цитатой  

 Заголовок сообщения:
СообщениеДобавлено: Ср апр 05, 2006 9:58 am 
Не в сети
Fervora Forumano
Fervora Forumano

Зарегистрирован: Сб фев 26, 2005 19:54 pm
Сообщения: 579
Bele.

Ĉu via?
Povos esti rakonto, ne nur etudo. Ĉu vi emus paroli pri tio?
Cimoj: ĉanceli, Ili ĉiuj atendas alveno de morto.
smiletas - cu nova vorto?
fleksas sian kapon - tamen se fleksi do kolon, kapon pli oportune ekz klini.


Вернуться к началу
 Профиль  
Ответить с цитатой  
 Заголовок сообщения:
СообщениеДобавлено: Ср апр 05, 2006 10:28 am 
Не в сети
Fervora Forumano
Fervora Forumano
Аватара пользователя

Зарегистрирован: Вт май 27, 2003 7:55 am
Сообщения: 1031
Откуда: Rusio, S-Peterburg
Rimon писал(а):
Ĉu via?

Jes, el miaj malnovaj (antikvaj) provoj. Okaze trovis mi sub divano.

Rimon писал(а):
smiletas - cu nova vorto?

Ne, sed tre malofta (smili = rideti)

Rimon писал(а):
fleksas sian kapon - tamen se fleksi do kolon, kapon pli oportune ekz klini.

Jes, tiu traduko estas pli klara.

_________________
Ne veku beston en mi! (hamstreto)


Вернуться к началу
 Профиль  
Ответить с цитатой  
Показать сообщения за:  Поле сортировки  
Начать новую тему Ответить на тему  [ Сообщений: 3 ] 

Часовой пояс: UTC + 3 часа


Кто сейчас на конференции

Сейчас этот форум просматривают: нет зарегистрированных пользователей и гости: 1


Вы не можете начинать темы
Вы не можете отвечать на сообщения
Вы не можете редактировать свои сообщения
Вы не можете удалять свои сообщения
Вы не можете добавлять вложения

Найти:
Перейти:  
News News Plan de site Plan de site SitemapIndex SitemapIndex Flux RSS Flux RSS Liste des flux Liste des flux
Создано на основе phpBB® Forum Software © phpBB Group