Esperanto новости
http://www.e-novosti.info/forumo/

"Vojaĝo en Esperanto-lando" denove havebla
http://www.e-novosti.info/forumo/mondo/topic1952.html
Страница 1 из 1

Автор:  Boris Kolker [ Ср июл 06, 2005 14:11 pm ]
Заголовок сообщения:  "Vojaĝo en Esperanto-lando" denove havebla

GAZETARAJ KOMUNIKOJ DE UEA
N-ro 209
2005-07-05
============================================

"VOJAĜO EN ESPERANTO-LANDO" DENOVE HAVEBLAS

La nuntempe plej furora Esperanta libro, "Vojaĝo en Esperanto-lando" de Boris Kolker, estas denove havebla, nun jam en tria eldono. Ĝia antaŭa eldono aperis en julio 2002 kaj la tuta eldonkvanto elĉerpiĝis eniom pli ol du jaroj.

La unua eldono aperis en 1992 ĉe la Moskva eldonejo Progreso, sed en sia dua eldono ĉe UEA ĝi spertis ĝisfundan transformiĝon. Ĝi internaciiĝis enhave kaj ĝia grafika prezento fariĝis moderna kaj tre alloga.

La plej nova eldono konservis la viglan dezajnon de Francisco Veuthey kaj fariĝis eĉ pli bela, ĉar ĝi aperis en pli granda formato, kun pli grandaj literoj kaj pli klaraj bildoj. Krome, troviĝas en ĝi kelkaj novaj ilustraĵoj.

La tekstaj ŝanĝoj estas minimumaj -- nur du tekstoj, kiuj intertempe malnoviĝis, estas anstataŭigitaj -- pro kio la dua kaj tria eldonoj estas uzeblaj samtempe en kursoj. Posedantoj de la nova eldono tamen profitos de multaj etaj modifoj (korektoj, aktualigoj, revortumoj kaj aldonaj informoj) en la komentaroj kaj apudtekstaj babiloj.

Por la tria eldono Boris Kolker ankaŭ aldonis koncizajn informojn pri tipoj de planlingvoj, fundamenteco-oficialeco, Oficialaj Aldonoj, agad-direktoj de UEA, ktp. La teksto pri Interreto estas aktualigita kaj reverkita.

Laŭ peto de multaj legantoj estas aldonita ankaŭ indekso de nomoj, kio ebligas facilan serĉon de informoj en tiu ĉi unika verko, kiu samtempe estas perfektiga kurso de Esperanto kaj vastpanorama gvidlibro pri la Esperanta kulturo.

Malgraŭ pli granda formato, la prezo de la 280-paĝa libro restas 18,00 eŭroj. Ekde samtempa mendo de minimume 3 ekz. ĉe la Libroservo de UEA oni ricevas trionan rabaton. Aldoniĝas 10% por sendokostoj (minimume 2,25 eŭroj) kaj por klientoj en EU 6% por imposto.

Aktualaj informoj pri "Vojaĝo en Esperanto-lando" estas troveblaj en la retpaĝo:
http://eo.wikipedia.org/wiki/Vojaĝo

Автор:  Oleg [ Ср июл 06, 2005 15:41 pm ]
Заголовок сообщения:  Re: "Vojaĝo en Esperanto-lando" denove ha

Boris Kolker писал(а):
Por la tria eldono Boris Kolker ankaŭ aldonis koncizajn informojn pri tipoj de planlingvoj, fundamenteco-oficialeco, Oficialaj Aldonoj, agad-direktoj de UEA, ktp. La teksto pri Interreto estas aktualigita kaj reverkita.

Kara Boris!

La lastasemajna "Kunlaboraĵo de semajno" ĉe esperantista Vikipedio temis pri Interreto. Sed bedaŭrinde la artikolo restis sufiĉe malplena, ĝenerale pro manko de homfortoj (aŭ, konsiderante la prezentan nivelon de "homaj rimedoj" — mankon de preta esperantigita "kruda materialo" por la artikolo). Ĉu vi bonvolus permesi uzi vian tekston pri Interreto el "Vojaĝo" kiel bazon por la vikipedia artikolo? Se jes, ĉu vi povus sendi tiun tekston al mi (oleg@ikso.net ) en ajna formato? Mi kredas ke la tuta esperantistaro (la nuna kaj estonta) estos tre danka al vi pro via intelekta kontribuo al Vikipedio en internacia lingvo!

Sincere via,

— Oleg (kiu iam pasis superan kurson por E-instruantoj surbaze de la unua eldono de "Vojaĝo en Esperanto-lando")

Автор:  Boris Kolker [ Ср июл 06, 2005 17:14 pm ]
Заголовок сообщения:  Re: "Vojaĝo en Esperanto-lando" denove ha

Oleg писал(а):
La lastasemajna "Kunlaboraĵo de semajno" ĉe esperantista Vikipedio temis pri Interreto. Sed bedaŭrinde la artikolo restis sufiĉe malplena, ĝenerale pro manko de homfortoj (aŭ, konsiderante la prezentan nivelon de "homaj rimedoj" — mankon de preta esperantigita "kruda materialo" por la artikolo). Ĉu vi bonvolus permesi uzi vian tekston pri Interreto el "Vojaĝo" kiel bazon por la vikipedia artikolo? Se jes, ĉu vi povus sendi tiun tekston al mi (oleg@ikso.net ) en ajna formato? Mi kredas ke la tuta esperantistaro (la nuna kaj estonta) estos tre danka al vi pro via intelekta kontribuo al Vikipedio en internacia lingvo!

Sincere via,

— Oleg (kiu iam pasis superan kurson por E-instruantoj surbaze de la unua eldono de "Vojaĝo en Esperanto-lando")


Kara Oleg!

Per retpoŝta letero mi sendas al vi la tekston pri Interreto el la tria eldono de "Vojaĝo". Kompreneble, en tia formo ĝi ne povas konveni kiel enciklopedieca materialo. Sentu vin libera uzi ĝin laŭ via plaĉo por artikolo en Vikipedio.

Mi estos danka al vi, se fine de la artikolo vi enmetos la ŝablonon
{{Vojaĝo2}} .

Espereble, vi povos veni al Vilno kaj partopreni en prezento de la tria eldono de "Vojaĝo" dum la 90-a Universala Kongreso de Esperanto.

Mi ĝojas ekscii, ke iam vi trastudis la unuan eldonon de "Vojaĝo". Tempas legi la trian. :)

Amike,
Boris

Автор:  Oleg [ Ср июл 06, 2005 18:20 pm ]
Заголовок сообщения:  Re: "Vojaĝo en Esperanto-lando" denove ha

Boris Kolker писал(а):
Per retpoŝta letero mi sendas al vi la tekston pri Interreto el la tria eldono de "Vojaĝo".

Koran dankon pro via rapida kaj kuraĝiga reago!

Boris Kolker писал(а):
Kompreneble, en tia formo ĝi ne povas konveni kiel enciklopedieca materialo.

Nun mi konstatas tion ĉi, jes. :-) Mi ne povis tuj trovi kie apliki iun teksteron el ĝi, sed eble post plia cerbumado mi trovos.

Boris Kolker писал(а):
Mi estos danka al vi, se fine de la artikolo vi enmetos la ŝablonon {{Vojaĝo2}} .

Se mi efektive uzos ĝin, mi certe metos la ŝablonon.

Boris Kolker писал(а):
Espereble, vi povos veni al Vilno kaj partopreni en prezento de la tria eldono de "Vojaĝo" dum la 90-a Universala Kongreso de Esperanto.

Bedaŭrinde mi enprogramis nur IJK en Pollando en miajn somerajn feriojn. Ĉe mia laboro somero estas la plej varma sezono ne nur laŭvorte, sed ankaŭ laŭ amplekso de laboraĵoj… Tial mi ne povas permesi al mi partopreni du tempe proksimajn E-aranĝojn somere. Do, mi elektis IJK (dume junas mi :-) ).

Boris Kolker писал(а):
Mi ĝojas ekscii, ke iam vi trastudis la unuan eldonon de "Vojaĝo".

Espereble beleco de mia stilo tuj malkaŝas tiun ĉi fakton! ;-)

Boris Kolker писал(а):
Tempas legi la trian. :)

Certe tempos, kiam la temp' aperos. :-) Sed nur la plej unua prioritato estas lerni la svedan lingvon. Kaj eĉ por tiu ĉi celo tute ne sufiĉas tempo. :-( Estu damna la 9-hora labortago!! :evil:

— Oleg

Автор:  Boris Kolker [ Ср июл 06, 2005 18:27 pm ]
Заголовок сообщения:  Re: "Vojaĝo en Esperanto-lando" denove ha

Oleg писал(а):
Sed nur la plej unua prioritato estas lerni la svedan lingvon. Kaj eĉ por tiu ĉi celo tute ne sufiĉas tempo. :-( Estu damna la 9-hora labortago!! :evil: — Oleg


Iam en juneco mi facilanime prenis svedan patenton por eventuala tradukado. Evidentiĝis, ke nura posedo de vortaro ne helpas. De tiam mi evitas tekstojn en la sveda lingvo. :)

Страница 1 из 1 Часовой пояс: UTC + 3 часа
Powered by phpBB® Forum Software © phpBB Group
https://www.phpbb.com/