Esperanto новости
http://www.e-novosti.info/forumo/

Revivinta Fundamento (recenzo)
http://www.e-novosti.info/forumo/mondo/topic197.html
Страница 1 из 1

Автор:  Boris Kolker [ Вт сен 02, 2003 7:45 am ]
Заголовок сообщения:  Revivinta Fundamento (recenzo)

Jen recenzo baldaŭ aperonta en la gazeto "Monato".
Boris

===========

Revivinta Fundamento

La personoj, kiuj kandidatiĝas al la Akademio de Esperanto,
devas deklari sian fidelecon al la Fundamento de Esperanto. Ĉiu esperantisto scias pri la ekzisto de tiu "Biblio" de Esperanto.
Sed kiu en nia tempo legas ĝin? Nu, mi legis la Fundamenton pli ol unufoje, precipe por serĉi en ĝi (kaj en aliaj
zamenhofaĵoj - la Dua libro, sekvantaj lernolibroj,
Proverbaro...) trafajn frazojn por ekzercoj en miaj lernolibroj.
Mi diru, ke legado de zamenhofaj verkoj montriĝis afero multe
pli fascina, ol tio povas ŝajni.

Sed jen troviĝis persono, kiu decidis, ke la Fundamento de
Esperanto
ankaŭ hodiaŭ povas servi kiel speco de informolibro
kaj eĉ lernolibro de Esperanto. Li estas parizano Marc Bavant
[mark bavan'], kiu okupiĝas sufiĉe multe pri la
leksikografio kaj instruado de Esperanto.

El kvar partoj de la Fundamento de Esperanto li prenis nur la
Fundamentan Gramatikon kaj Ekzercaron (tiun lastan kun vortlistoj kun tradukoj en la francan kaj rusan lingvojn). Al la "kanonika" teksto li aldonis korektitajn tradukojn, kiujn iam faris la
Akademio de Esperanto, kaj siajn grandnombrajn subtilajn
komentojn kaj notojn, kiuj estas facile distingeblaj de la
"kanonika" teksto per tipografiaj rimedoj. Tiuj komentoj kaj
notoj prezentas intereson eĉ por la plej spertaj lingvanoj.
Komputila prilaboro de la Fundamento permesis al li trovi en ĝi
teknikajn nekoheraĵojn, apenaŭ rimarkeblajn por la okuloj.

Kion ni havas rezulte? Modernan, fidindan kaj tre interesan
legaĵon por personoj lingvemaj, kiuj ŝatus konatiĝi kun la
reala Esperanto per ĝia sintezita priskribo, sed ne per dozitaj
klarigoj, lernotekstoj pri ĉiutagaj temoj kaj ekzercoj. Tiaj
homoj estas pli multaj, ol oni povas supozi. Restas envii al
franclingvanoj: nur ili povas ĝui tiun libron, ĉar ĝi estas
verkita en la franca lingvo.

La libro estas tiel nete dezajnita kaj presita, ke estas agrable
teni ĝin en la manoj.

Boris Kolker

Marc Bavant: Les bases de l'espéranto d'après le Fundamento.
Eld. KAVA-PECH, Praho, 2002. 115 paĝoj broŝuritaj. ISBN
80-85853-56-6.

Автор:  Slavik [ Вт сен 02, 2003 8:27 am ]
Заголовок сообщения:  Re: Revivinta Fundamento

Boris Kolker писал(а):
...La libro estas tiel nete dezajnita kaj presita, ke estas agrable teni ĝin en la manoj.

Boris Kolker

Marc Bavant: Les bases de l'espéranto d'après le Fundamento.
Eld. KAVA-PECH, Praho, 2002. 115 paĝoj broŝuritaj. ISBN
80-85853-56-6.

Boris Grigorjeviĉ, ĉu mi ĝuste komprenis, ke la lernolibro estas parte en la franca? Ĉu vi facile legas la francan?

Sl.

Автор:  Boris Kolker [ Вт сен 02, 2003 15:39 pm ]
Заголовок сообщения:  Re: Revivinta Fundamento

Slavik писал(а):
Boris Grigorjeviĉ, ĉu mi ĝuste komprenis, ke la lernolibro estas parte en la franca? Ĉu vi facile legas la francan?


La tuta libro estas verkita en la franca. Dum tri jaroj mi laboris kiel franca interpretisto kun parizaj teknikistoj.

Автор:  Boris Kolker [ Чт окт 02, 2003 6:11 am ]
Заголовок сообщения:  Re: Revivinta Fundamento (recenzo)

BONA VINO NE DIFEKTIĜAS
(letero de leganto)

Malgraŭ antaŭdiroj, ke kino, televido, Interreto ...
malaperigos librojn, tio ne okazis. Malgraŭ asertoj, ke novaj
metodoj de lingvoinstruado malaperigos la malnovajn, tio ne
okazis/as/os. Mi lernis Esperanton per broŝuro, enhavanta
koncizan gramatikon (sen eĉ unu ekzempla frazo) kaj vortareton.
La unuaj generacioj de esperantistoj lernis la lingvon per la
Unua Libro, Fundamento de Esperanto kaj similaj malmodernaĵoj. Malgraŭ tio, multaj pioniroj regis la lingvon tute nemalbone. Se iam tiam min trafus moderna kaj tre inteligenta prezento de Fundamento de Esperanto (kia estas la libro de Marc Bavant "Les bases de l' Esperanto"), mi estus feliĉa. Tial mi estas ĉagrenita pro la kategoria kritiko de tiu libro en la
julia-aŭgusta numero de "Esperanto". Mi ne dubas, ke tia kaj tiu libro tre konvenas por multaj homoj, kiujn ne altiras
lernodialogoj de tipo: "Ĉu vi estas flava hundo?" - "Ne, mi estas aŭtobuso".

Boris Kolker

letero aperonta en la revuo Esperanto , oktobro 2003

Автор:  Leonido [ Чт окт 02, 2003 10:22 am ]
Заголовок сообщения:  Re: Revivinta Fundamento (recenzo)

Цитата:
"Ĉu vi estas flava hundo?" - "Ne, mi estas aŭtobuso".
Кстати, подобные абсурдизмы легко запоминаются.
"Что за шум в соседней комнате?" - "Это не шум, это мой дядя кушает сыр".

Автор:  hamstro [ Чт ноя 27, 2003 18:10 pm ]
Заголовок сообщения: 

Interalie, ĉu ekzistas en reto bonaj komentarioj al Fundamento (ĉefe al Ekzercaro) kun listo de eraroj, misskriboj, preseraroj?

Автор:  Гость [ Чт ноя 27, 2003 18:17 pm ]
Заголовок сообщения: 

hamstro писал(а):
Interalie, ĉu ekzistas en reto bonaj komentarioj al Fundamento (ĉefe al Ekzercaro) kun listo de eraroj, misskriboj, preseraroj?


Ne en la reto

Страница 1 из 1 Часовой пояс: UTC + 3 часа
Powered by phpBB® Forum Software © phpBB Group
https://www.phpbb.com/